N°: 873 Peiroton
Aire géographhique: ROUERGUE
Interprète:
Réf.discographique:
Réf écrite:
    Paroles de la chanson:
Peiroton leva te d'aqui,
Deurias èsser las de dormir!
Daissa me far n'autra cutada;
Tu rèvas e mai coma cal;
Es pas encara mièg nuèch passada;
Que vòls anar fa'al pastural?

Que dises? Ai pas plan entendut.
Te disi qu'un rei es nascut.
Qual a dich aquela novèla?
Se ieu sabiai que sia vertat
Ieu marchariai sur mar sur terra
Jusqu'a que l'aurià rencontrat!

Agacha se n'es pas vertat,
Perqué un ange m'a assegurat.
Agacha se n'es pas de creire
Perqué un ange o m'a dich.
Fai vitament qu'anarem veire,
Esperarai que sias vestit.

Oi! Ne tròvi pas lo capèl,
Mas ne tròvi pas lo mantèl,
Ni los esclòps ni la cintura,
Aquò faria virar lo sens.
Agach'aval dins la caisseta,
Fai vitament que i'anarem.

E consi là i anarem?
Endacòm nos assucarem.
Nos caldria pren'un pauc de lum o
Una candèla o un flambèu
Per ne faire un pauc de calada:
Dison que i'a tres palms de nèu.

Consi farem per lo trobar?
Sabem pas ont nos cal anar.
Veses pas la polida estèla
Que lusis coma lo sorel?
E lai ont se pausara èla
Poirem dire qu'aqui serà!

Consi ausarem i anar,
Avèm pas res per li portar.
Avèm pas res de presentable,
Que siague quicòm de plan bon.
Peiroton anem a l'estable,
I prendrem ben un anhelon!