N°: 822 Un ser lo pastre somelhava
Aire géographhique:
Interprète:
Réf.discographique: Cassette Nadals Talvera n°7 & 8
Réf écrite: Nadals Talvera p.33
    Paroles de la chanson:
UN SER LO PASTRE SOMELHAVA.


1. Un ser lo pastre somelhava,
Dins sa cabana tot solet.
Mas dedins sa cabana,
N'entendèt una votz
Que cridava : _"coratge !
Lèva-te pastorèl.

2. ­Cossí volètz que ieu me lève ?
Encara n'ai pas pro dormit.
­Las novèlas son bonas,
Nòstre Sénher es nascut.
Las novèlas son bonas,
Aquò es nòstre salut.

3. ­Ara ieu ba vòli pas creire
Que vos me digatz la vertat.
Ba vòli anar véser
Per véser s'es vertat.
Ba vòli anar véser
Per véser s'es vertat.

4. ­Vai a Betleèm : dins un estable,
Aqui, tu lo i trobaràs
Tot nud, tot miserable.
Mas quand tu lo veiràs,
Aquel Dieu tant aimable,
Tu t'en estonaràs.

5. ­Cossí farai, ieu miserable,
Per abandonar lo tropèl ?
Lo lop es deplorable,
Me manjarà d'anhèls.
Ieu ne soi responsable
De tot lo meu tropèl.

6. ­Quand passaràs davant l'estable,
Tu te metràs de ginolhós,
Diràs : _"Dieu adorable,
Grand respect, ieu a vos.
Vos, siètz lo veritable,
N'i a pas d'autre que vos.