N°: 664 Los dus filhets del rei
Aire géographhique:
Interprète:
Réf.discographique:
Réf écrite:
    Paroles de la chanson:
A la guèrra qu va, qui va non torna gaire
A les dus filhets del rei, à la guèrra son annadis

Joanet jamai n'es tornat, e Joan-Francés pas encara
Sa maire lo vic venir per un prat que verdejava

Que ne pòrtas mia filhòt, que pòrtas de las batalhas
Que ne pòrtas mia filhòt, de totas las batalhas

Entre jo e mon caval ne pòrtam vint e nòu plagas
Mon caval pòrta las nòu, jo pauret totas las autras

Ma maire fètz-me lo lièit, n'i demorarai pas gaire
Serai mòrt a mièja nuèit, mon caval a punta d'alba

M'enterraretz al sagrat, mon caval a la passada
M'enramelaretz de flors, mon caval de totas armas

Passaran los passejants, diràn quina bèla tomba
La tomba del filh del rei, qu'a ganhat fòrça batalhas

La tomba del filh del rei, qu'a ganhat fòrça batalhas
La tomba del filh del rei, que n'es mòrt a las batalhas

La tomba del filh del rei, que n'es mòrt a las batalhas
Las campanas de Madrid sonaràn a punta d'alba

Sonaràn per mon baron qu'a ganhat fòrça batalhas
Sonaràn per mon baron que n'es mòrt a las batalhas