N°: 640 Lo faudal de cuèr
Aire géographhique:
Interprète:
Réf.discographique:
Réf écrite: Livre Marcel BACOU page 44
    Paroles de la chanson:
1. Vos demandatz brava junèssa
Çò que vòl dire aquel faudal;
Ba vos vau dire sens feblessa
Es pas per anar al trabalh.
Es per nos gardar de mal faire
Malgré que ié pensem pas gaire;
Quand siem tentat per lucifer,
Nos cargam lo faudal de cuèr.

refran:
Lo faudal, lo faudal,
Lo passam de l'un a l'autre
Per sarrar lo menal
Al que fa tròp de rambalh.
E lo qu'es tròp brutal
E que voldriá pas res saupre
Ie cargam lo faudal
O cal que torne a l'ostal.

Quand lo crabièr dins la montanha
Mena las crabas a pasturar
Tojorn lo boc las ie saganha
E las ie empacha de manjar
Mes lo crabièr d'un certen atge
Vòl que lo boc demòre sage
E per lo punir s'es tròp fièr
Ie carga lo faudal de cuèr.

Dessus l'orquèstra nos arriba
Plan sovent mème sans voler
De véser una dròlla polida
Que nos agacha ambe plaser
Malgré que soguem rasonables
E coma òm es pas de fèr
Nos cargam lo faudal de cuèr.

I a qualques jorns al bal campèstre
Un que vos vòli pas nommar
Nos descapava de l'orquèstra
Devinatz ont voliá anar
Mes comprenguèrem la ficèla
L'avièm vist faire ambe la bèla
E per lo salvar de l'infèrn
Ie carguèrem lo faudal de cuèr.

Quand sentissem venir la fièbre
Quand lo termomèstre es montat
Sièm oroses d'aver fait segre
Lo faudal que vos ai mostrat
Lo qu'es malaut cal que lo brague
Duscas qu'un autre lo ie trague
Aquí perque dètz còps l'ivèrn
Prenem aquel faudal de cuèr.