N°: 506 Lo factur de Montredon
Aire géographhique:
Interprète:
Réf.discographique:
Réf écrite:
    Paroles de la chanson:
Lo matin quand lo jorn se lèva
Preni la saca e lo velò.
Atraversi lo Riu de l'Ase
Per me'n anar del costat del plò.
Ai plen de letras dins ma sacòcha
De tota mena e de pertot,
Me cal far de camin encara:
Soi lo factur de Montredon.

Me cal passar a la Franquesa
Puèi m'arrestar al Suquet.
Ai un paquet pel monde de Lafarga
Mas pas res per lo del Bosquet.
A Rocairòl m'esperan sens dote
E me pagaràn un còp de vin blanc;
Es lo catalòga de la Redota
Qu'esperàn per comandar 'n enfant.

La rota aquí es plan polida
Mon velò es un valent,
E las gens son davant la pòrta
Per me dire "Te vesi de luènh!"
Labessonièr, charmanta vila,
Ont las dròllas amassan d'escuts!
Se maridan darrèr la glèisa
E dansan a canta-cocut.

Ai 'na letra pel pepin de la Granja,
M'arrèsta per me parlar un pauc
D'una menina que corteja
Al molin d'Escota quand Plòu.
S'escrivan tres còps la setmana
Se potonejan dos còps per an,
E benlèu un jorn faràn la nòça
Aquí sul camin de Castel Franc.

Quand me cal portar las talhas,
Lo monde son pas contents.
Totes cridan: "Diu me damne!
Nos escana lo governament!"
Urosament al cap de mon viatga
Sa(b)i un ostal a la Cambossièr.
La filha es polida coma un astre
E onèsta coma un molinièr.